Ивгъуэтэнухэр
|
|
. |
. |
АДЫГЭМ ДИ ПАВАРОТТИ
Ташло Алий
-
Тенор |
|
CC-Culture
and Art
Department |
. |
Ташло Алий Исмагил и къуэр 1964
гъэм Къэбэрдей- Балъкъэрым Малкэ къуажэм къыщалъхуащ, опернэ
уэрэджы1ак1уэщ, Къэбэрдей- Балъкъэр республикэм ф1ыщ1э зи1э и
артистщ, Урысей Федерацэм Союз Театральных деятелей жыхуи1эм
хэтщ. |
|
|
|
. |
1980 гъэм курыт еджап1эр къиухри,
Налшык дэт музыкальнэ училищэм щ1эт1ысхьащ ик1и зэф1эк1 и1эу
1983 гъэм еджап1эр къиухащ, а гъэ дыдэми дзэм къулыкъу щищ1ыну
ираджащ.
Хабаровск къулыкъу щищ1эурэ, Дальневосточнэ военнэ округым и
къэфак1уэ, уэрэджы1ак1уэ ансамбылым хэтурэ Ташло Алий концерт
иту Дальний Востокыр къызэхик1ухьащ: Магадан, Сахалин, Чукотка,
Владивосток, Тында, Уссурийск, Биробиджан.
1987 гъэм Санкт- Петербург Н.А. Римско-Корсакова и ц1эк1э дэт
къэрал консерваторием щ1эт1ысхьащ, Урысейм и ц1ыхубэ артист
Алексей Стеблянко и классым.
1993 гъэм консерваториер къиухри Къэбэрдей- Балъкъэрым
къигъэзэжащ ик1и зэман к1эщ1ым къриубыдэу Ташло Алий ц1ыхубэм
ф1ыуэ ялъэгъуащ, дуней псом къац1ыхуащ.
1993 гъэм Сирием Дамаск къалэм щек1уэк1а дунейпсо фестивалым
хэтащ.
Адыгэ щ1алэм и вагъуэр къыщ1эк1ащ 1995 гъэм Италием Милан къалэм
Энрико Карузо и ц1эк1э дунейпсо зэпеуэм щыхэтам. Зэпеуэр
щек1уэк1ащ Дж. Верди и ц1эк1э щы1э консерваторием, абы турит1ым
щыпхык1ащ. Тур ет1уанэм иужьк1э ар ирагъэблэгъащ музей
ассоциацэм и президент Энрико Карузорэ театр Ла- Скаллам и
специалист пажэ, профессор Роберто Негрирэ епсэлъэну ик1и абыхэм
Алий ирагъэблэгъащ театр Ла- Скаллам хэт Э. Карузо и студием
стажировкэ щригъэк1уэк1ыну. Дауик1 щ1алэм ар и гуапэ дыдэ хъуащ
ик1и занщ1эу 1э щ1идзащ зэрыарэзымк1э. Ар дэтхэнэ опернэ
уэрэджы1ак1уэми и хъуэпсап1эт, ауэ псоми апхуэдэ насып
къалъысыркъым.
Алий Ташло Налшык къигъэзэжри псори жри1эжащ Къэбэрдей- Балъкъэр
республикэм и президент К1уэк1уэ В.М. ик1и ар куэду щыгуф1ык1ащ
уэрэджы1ак1уэ щ1алэм и зэф1эк1ым. Илъэс дэк1а нэужь А. Ташло
къы1эрыхьащ Италием стажировкэ иригъэк1уэк1ыну зэрырагъэблагъэ
к1элъымп1э, Ла- Скалла и специалист пажэ, профессор Роберто
Негри и классым. Къэбэрдей – Балъкъэрым и япэ президент К1уэк1уэ
В.М. и ф1ыщ1эк1э ар абы к1уащ.
1996-1997 гъэхэм стажировкэ щригъэк1уэк1ым ар хэтащ Пуччини и
ц1эк1э Милан щек1уэк1а дунейпсо зэпеуэм ик1и тек1уэри япэ
увып1эр къыхуагъэфэщащ. Москва, Санкт- Петербург, Уфа,
Ярославль, Ростов-на –Дону, Махачкала, Ставрополь, Пятигорск,
Кисловодск, Налшык, Майкоп, Черкесск къалэхэм и концертнэ,
театральнэ залхэм Ташло Алий утыку къыщихьэм и деж гуапэу 1эгу
еуэ лъагэк1э ирагъэблагъэ.
Ташло Алий Къэрэшей- Шэрджэсым концертипщ1ым щ1игъу щитащ, абыи
и дэтхэнэ утыку къихьэгъуэми къыхэщт и 1эщ1агъэм ф1ыуэ
зэрыхищ1ык1ыр, зэрыц1ыхушхуэр.
Зы ф1ы гуэрым уще1усэм и деж уэри нэхъыф1, нэхъ щабэ уохъу жа1э.
Алий и лэжьыгъэм имызакъуэу и ц1ыхуф1агъымрэ игу щабагъымрэ
удахьэх, апхуэдэ ц1ыхум ф1эк1а хузэф1эк1ыну къыщ1эк1ынкъым Алий
къигъэщ1 телъыджэхэм хуэдэр.
Алий ущыхуэзэ дэтхэнэ дакъикъэми дахагъэр зыхэпщ1эу щытщ. Ар
Къэрэшей- Шэрджэсым сытым дежи и хьэщ1э лъап1эщ.
Алий жи1э сыт хуэдэ урыс, итальянскэ ц1ыхубэ уэрэдхэри 1эгу еуэ,
ф1ыщ1э лъагэк1э ирагъэблагъэ, ик1и ди лъэпкъэгъухэм нэхъ куууэ
зыхрегъащ1э Урысеймрэ Италиемрэ я культурэ лъагэр.
Иджыпсту Ташло Алий театрит1ым и солистщ - Налшык къалэ
Музыкальнэ театрымрэ, Махачкала къалэ оперэмрэ балетымрэ и
театрымрэ. Абы нэмыщ1 концерт щетыр Кавказымрэ Урысей псомрэ.
2003 гъэм Къасын Къулий и ц1эк1э щы1э Балъкэр театрым и гъусэу
тюркоязычнэ лъэпкъхэм я дунейпсо фестиваль Уфа къалэм щек1уэк1ам
хэтащ (Башкирием и опернэ театрым «Евгений Онегин» оперэм
Ленский и партие нэхъыщхьэр игэзэщ1ащ).
2005 гъэм Тыркум щек1уэк1а Дунейпсо Шэрджэс Ассоциацэм и
конгрессым хэтащ, сольнэ концерт и1эу ц1ыхухэм деж
зыкъыщигъэлъэгъуащ итальянскэ, адыгэ авторхэм я уэрэдхэр жи1эу.
Алий Ташло партие нэхъыщхьэхэр щигъэзэщ1ащ оперэу : Дж. Верди и
« Риголетто»- Герцог, Дж. Верди и «Травиата»- Альфред, Дж.
Пуччини и «Тоска»- Каварадоси, Чайковский и «Евгений Онегин»
Ленский, Рахманинов и «Алеко» Цыган.
|
. |
. |
|
|
. |
|
|