|
Еджахэу, гъэсахэу, дэтхэнэ зым хуэIэзэу,
хуэшэрыуэу щытахэщ. Улэхуэшхуэ1 яIэу
жылэ тхъэжуэ кърикIуэхэрт.
Нобэ щIэныгъэу,
жаныгъэу плъагъу псор ипэ дыдэ къыздыщежьар пэсэрей адыгэхэм
ядэжщ2. Пэсэрей адыгэхэм хабзэр иджы щыIэ
къэралхэм я унэгъуэ хабзэм къызэрыкIэрыху
щыIэкъым.
АпхуэдизкIэ
щIэныгъэшхуэ
яIащ!
Пэсэрейм къыщIаха
ди фащэр ипэ фащэу щыIам
я нэхъ дэгъуэу, я нэхъ екIуу,
фащэхэм япщэу зэрыщытам хуэду, ноби хэти и пащхьэ урихьэнкIэ
уригушхуэну, уримыукIытэну
зы фащэщ.
Дунейм тет цIыху
псом «адыгэ» жезгъэIар [пэсэрей] адыгэхэр арщ, дядэжьхэр
арщ. Нобэрей адыгэхэм мы къэслъыта хъуэпсэгъуэ псом, цIыхугъэ
псом язри диIэжкъым.
Ди хэгъэгури, ди псэукIэри
тIащIэкIыжу
хуежьащ. ЛIыгъэу, хабзэу иджы къэсыхункIэ
тхъума закъуэри кIуэ
пэтрэ
IэщIыб
тхуохъу.
Пэсэрейхэр щытхэти, далъэхэу псэуахэщ; нобэрейхэр дыщылъщи,
доубзэ.
Ар
сыт мыпхуэду щIэхъур?
– жыфIэмэ:
ди бзэкIэ
деджэу, ди бзэкIэ
дытхэжу дызэрыщымытыр арщ. Нобэрей
Iащэри
нобэрей лIыгъэри
еджэныр арщ. Нобэрей фащэри щIэныгъэр
арщ. |
