Си
гъащIэр
сухми,
схуэухынкъым
Си хэку нур хадэм и уэрэд.
«Хэкум
и уэрэд»-
апхуэдэу фIэпщ
хъуну си гугъэщ КIыщокъуэ
Алим итха псори зэубыдылIауэ
къапщтэмэ»-
етх Къэжэр Хьэмид.
КIыщокъуэ
Алим лъахэм хуэпатриотащ псэухункIэ.
Нобэ ар дунейм
темытыжми,
абы къызэринэкIа
тхыгъэхэр Хэкум,
абы и блэкIам
и щыхьэтщ.
Алим и роман
укъуэдияхэм нобэ ди деж къахьэсыфащ,
адыгэхэм,
абыхэм пыщIэныгъэ
къыхуаIэу
псэуа лъэпкъхэм,
я псэукIар.
Патриот-жиIэмэ,
къыщалъхуа щIыпIэр,
хэкур,
къызыхэкIа
народыр лъэпкъыр фIыуэ
зылъагъу абы хуэпэж цIыху
къикIыу
аращ. (Адыгэ
псалъалъэ, 1999.,
н.
549.)
Укъэзылъхуа уи
анэр, укъыщалъхуа унэр,
уи гъашIэм и псынащхьэ
сабиигъуэр щыбгъэкIуа уи жылэжьыр...
- а псори, кIэщIу
жыпIэмэ, уи адэ
лъахэр уигу щIэх-щIэхыурэ
къэмыкIыжу, уи
псэм къыпылъадэрэ къедэхащIэу щымыту
упсэуфынукъым, дэнэ уи балигъ гъащIэр
щыпхьын хуей мыхъуами. Алим и балигъ гъащIэр,
зэрытщIэщи,
и лъахэм пэIэщIэу
ирихьэкIащ.
УсакIуэшхуэм и япэ
тхылъхэм къыщыщIэдзауэ
дэни къыщыхощ хэку, адэжь
щIыналъэ темэр.
Ауэ иужьрей зэманым итха усэхэм хуэдэу,
гум ешыкъылIэу,
уи нэпсыр къыщIихуным
хуэдизу зэи тепсэлъыхьакъым абы. И лъахэм
имысыж, и хэкум лIэнкъэнэну
жыхуаIэм хуэдэу хуэзэш цIыхум
и псалъэщ мы сатырхэр: "Кхъужьей къудамэ,
тхьэмпэ пыту, ди хэкум
къиши къысхуэгъэс". "Сызыхуэныкъуэу сэ
сыт щыIэ - данэм
сыхэсми сыхэхэсщ". 80 гъэхэм итхауэ мы
сатырхэр къызыхэтха усэхэм наIуэ къытщащI
КIыщокъуэр кIуэ
пэтми нэхъ къыхигъэзыхьу зэрыщытар зыпэIэщIэу
псэу и адэжь хэкум хуиIэ бын лъагъуныгъэм,
а гурыщIэр махуэ къэс
нэхъ куу, нэхъ гуащIэ
хъууэ зэрекIуэкIар.
А гурыщIэ абрагъуэм
зэреджэр ностальгиещ- пхуэмыхьыжыным
хуэдизу хэкум хуэзэшынырщ. Уз бзаджэщ ар
икIи IэфIщ,
IэфIу уи псэр къуегъэтIэщIри.
КIыщокъуэм
и творчествэм увыпIэшхуэ щеубыд
хэку темэм къуэпс
быдэкIэ епха
анэдэлъхубзэм, ар зи лъабжьэ тхэн
IэщIагъэм,
абы икъукIэ хуэIэижь,
зэчийшхуэ зыбгъэдэлъ зырызыххэхэм а IэщIагъэм
къахуихь насыпышхуэм - мылIэжыныгъэм
ятеухуа усэхэм.
2007 гъэм, МОН РФ
къызэригъэпэщри Москва щекIуэкIащ «Всероссийский конкурс
курсовых, дипломных работ, связанных с героическим прошлым
России, важнейшими событиями жизни народа» жиIэу.
«Патриотическая тема в
поэзии А. Кешокова» жиIэу къэдгъэлъэгъуа лэжьыгъэм диплом
II
степени дрихъуащ.
Мы Iуэхугъуэм мыхьэнэшхуэ
еттауэ зридгъэщIагъуэу аракъым, абы къыщапсэлъам щыщ зы пычыгъуэ
цIыкIу къэтхьыну арат: «национальная доктрина образования в РФ,
которая определила главную задачу воспитания патриотов России,
формирование духовно- нравственной личности, легла в основу
концепции филологического образования. Программа регионального
компонента по литературе ставит цель- приобщение к духовной
культуре родного края и воспитание на её основе молодого
поколения, вступающего в жизнь. Этому в первую очередь
способствует круг чтения».
ИужьымкIэ къыщIэддзэнщи,
школакIуэ цIыкIухэр, щIалэгъуалэр зэджэн хуей тхылъ Iэрамэ
къэдгъэлъэгъуэнумэ, псом япэ итыр КIыщокъуэ Алим и къалэмыпэм
къыщIэкIахэрщ. Иужь дыдэу къыдэкIа «Щхьэлыкъуэ» усэ тхылъыр
адыгэ литературэ псом и фIыпIэщ, япэ дыдэ ит тхылъщ.
Хэкум, лъахэм, бзэм,
цIыхугъэм, ныбжьэгъугъэм теухуа усэхэу мы сборникым
щызэхуэхьэсар щIэзыджыкIам, гукIэ зыщIэм, абыхэм гурыIуэныгъэ
тэмэм езытыфым ущIытешыныхьыжын щыIэкъым, абы уигъэукIытэнукъым. |