Апшъэрэ
гъэсэныгъэ зэзыгъэгъоты зышIоигъо ныбжьыкIэхэм мы мафэхэм
документхэм ятын епхыгъэ Iофыгъохэр зэшIуахых. Мыекъопэ
къэралыгъо технологическэ университетыр пштэмэ, ащ
ифакультет зэфэшъхьафхэм ачIахьэхэмэ ашIоигъоу нэбгырэ мини
2-м ехъумэ заявлениехэр къатыгъэх.
Университетым бюджет чIыпIэ
630-рэ къызэритырэр къыдэплъытэмэ, зы чIыпIэм гурытымкIэ
нэбгырищым ехъу итэу ары къызэрэнафэрэр.
Сэнэхьатэу ныбжьыкIэхэм къыхахыщтымкIэ анахьэу цIыфыбэ
къызэкIолIэгъэ факультетхэр: «юриспруденциер» - зы чIыпIэм
нэбгырэ 17 , «финансхэмрэ кредитымрэ» - нэбгыри 10,
«экономикэмрэ гъэIорышIэнымрэ», «туризмэмрэ хьакIэщ
хъызмэтымрэ» - зы чIыпIэм нэбгыри 8 арыт.
МКъТУ-м чIэхьан гухэлъ зиIэу
къекIолIагъэхэм япроцент 60-р Адыгэ Республикэм щыщых,
Краснодар краим къикIыгъэхэр процент 30-м кIэхьэ, адрэхэр
Урысыем ишъолъыр зэфэшъхьафхэм ащыщых.
Университетым иприемнэ
комиссие итхьаматэ къызэриIуагъэмкIэ, непэрэ мафэхэм
яхъулIэу апшъэрэ еджапIэм чIэхьан зыгу хэлъ ныбжьыкIэхэм
ащыщхэм джыри доку-ментхэр къатыгъэхэп. Ащ къыхэкIыкIэ, мы
илъэс еджэгъум отделениехэм ачIэсын фэе студентхэм япчъагъэ
икъунэу ары зэрэгугъэхэрэр.
