КъохьапIэм щыпсэурэ
лъэпкъхэм я Къэралыгъо музей икъутамэу Мыекъуапэ дэтым мы
мафэхэм къэгъэлъэгъон гъэшIэгъон къыщызэIуахыгъ.
Я 17-рэ лIэшIэгъум щыIэгъэ
голландскэ сурэтышI цIэрыIоу Рембрандт иIофшIагъэхэм
ащыщхэм якопиехэр Мыекъуапэ апэрэу къыщагъэлъагъох. Музеим
ащкIэ IэпыIэгъу къыфэхъугъ изобразительнэ искусствэм икрай
къэгъэлъэгъуапIэу Краснодар дэтыр.
Дунаим щызэлъашIэрэ
сурэтышIыр 1606-рэ илъэсым бэдзэогъум и 15-м къалэу Лейден
шъхьалтес фэшIыгъэм иунагъо къыщихъухьагъ. Илъэс 14 ыныбжьэу
Лейден дэт университетым чIэхьагъ, ау бэрэ щемыджэу
къычIэкIыжьи чIыпIэ сурэтышIым еджакIоу гохьагъ. 1623-рэ
илъэсым Амстердам щыпсэунэу мэкIожьы. Ащ мастер IэпэIасэхэм
ащыIокIэ, искусствэм игъогу кIыхьэ, игъогу гъэшIэгъон
щытехьэ.
Рембрандт илъэс 63-рэ
ыныбжьэу идунай ехъожьы. Мастерым зэкIэмкIи IофшIэгъэ
2300-рэ фэдиз къыIэкIэкIыгъ. Ахэм ащыщхэм атешIыкIыгъэ
IофшIэгъэ 26-мэ къекIолIагъэхэр яплъыгъэх. Къэгъэлъэгъоным
мазэрэ Iоф ышIэщт.