лъыплъэгъэным япхыгъэ унашъоу Адыгэ Республикэм и
Президентэу ТхьакIущынэ Аслъан зыкIэтхэжьыгъэр Тэхъутэмыкъое
районым зэрэщагъэцакIэрэр Iоныгъом и 10-м ауплъэкIугъ.
АР-м экономикэ хэхъоныгъэхэмкIэ
ыкIи сатыумкIэ и Министерствэ испециалистхэм муниципальнэ
гъэпсыкIэ зиIэ «Тэхъутэмыкъое районым» иадминистрацие
иIофышIэхэмрэ къэбар жъугъэм иамалхэмрэ ягъусэхэу къуаджэу
Тэхъутэмыкъуае дэт тучаниплIэу гъомылапхъэхэр зыщащэхэрэм
АР-м и Президент иунашъо зэращагъэцакIэрэр ауплъэкIугъ.
Зэфэхьысыжьхэм къызэрагъэлъэгъуагъэмкIэ, цIыфым нахь
ищыкIэгъэ щэхэкI шхынхэмрэ хьалыгъумрэ ауасэ агъэнэфэгъэ
шапхъэхэм ашIокIырэп ыкIи республикэмкIэ
гъомылапхъэхэм, гурытымкIэ, ауасэ дештэ. ГущыIэм пае,
щэмрэ кефирымрэ (зы литрэм) ауасэ сомэ 19 - 22-м, творогыр
(зы пачкэр) сомэ 21-м, щатэр (грамм 450-рэ хъурэр) сомэ 28
- 35-м, къуаер (зы килограммыр) соми 170 - 190-м шIокIырэп.
Ау поселкэу Яблоновскэм дэт
тучанищым ащыкIогъэ уплъэкIунхэм шапхъэхэр икъу фэдизэу
зэращамыгъэцакIэрэр, ары пакIошъ, республикэм ипащэ иунашъо
икъу фэдизэу зэхэзымышIыкIыгъэ IофышIэхэри ахэтхэу
специалистхэм агъэунэфыгъ.
Мыщ фэдэ хэукъоныгъэхэр
тапэкIэ дэгъэзыжьыгъэнхэм пае министерствэм иIофышIэхэм
гъомылэпхъэ тучанхэм ялIыкIохэм зэдэгущыIэгъухэр
адашIыгъэх, муниципальнэ образованиеу «Тэхъутэмыкъое
районым» мы лъэныкъомкIэ испециалист шъхьаIэ цIыфхэм нахь
тэрэзэу Iоф адишIэнэу фагъэпытагъ. Iофыгъоу къэуцугъэхэр
зэшIохыгъэнхэм пае анахьэу унаIэ зытебгъэтын фэе лъэныкъохэр
къизыIотыкIырэ тхыгъэ район администрацием ипащэ
фагъэхьыгъ.
Республикэм къыщыдагъэкIырэ
продукциер Тэхъутэмыкъое районым итучанхэм макIэу
зэрателъыр гумэкIыгъохэм ащыщ. ЩэхэкI продукциемрэ
хьалыгъумрэ на-
хьыбэрэмкIэ къызыдыращырэр гъунэгъу Краснодар краир ары.
Ушъхьагъоу щыIэр районыр республикэм икъэлэ шъхьаIэ
зэрэпэчыжьэр ыкIи ащ къыщашIырэ гъомылапхъэхэр мыщ
къэпщэнхэр зэрэмыфедэр ары.
Джащ фэдэу акциеу «Народнэ
хьалыгъу» зыфиIорэр Тэхъутэ-
мыкъое районым щызэхащагъэу агъэунэфыгъэп. Район
администрацием испециалист къызэриIуагъэмкIэ, мы
предложением районым ихьалыгъугъажъэхэм дырагъэштагъэп.
Ушъхьагъоу яIэр: хьалыгъу пыутыр - хьалыгъу дэй аIонышъ
цIыфхэм ащэфыщтэп. Джырэ лъэхъан сомэ 14 - 15 зыосэ
хьалыгъур Краснодар краим ичIыпIэ зэфэшъхьафхэм къаращы.
ТХЬАРКЪОХЪО Адам.
