Халъхьэхэр (ц1ыхуищ 1ыхьэ)
Балыджэу – г400
Джэдык1эу – 3
Шатэу – г 200
Бжьыныщхьэу – г 100
Шыгъуу, шыбжийуэ – узыхуейм хуэдиз
Балыджэр зэхащыпык1, ик1ри и пэм пытри паупщ1, псы щ1ы1эк1э
ятхьэщ1, сэк1э яупщ1атэ хъурей п1ащ1э ц1ык1уурэ, хьэкъущыкъу
мыулъийм иралъхьэри и щхьэр трап1эж. Джэдык1э вынш гъэвар
ягъэупщ1ы1ури кугъуэр кърах, абы шыгъу траудэри яущэб, шатэ 1ув
халъхьэри , ф1ыуэ зэ1ащ1э. Джэдык1эм и хужьри яупщ1атэ. Балыджэ
упщ1этам шыгъу хадзэ, зэ1ащ1эурэ джэдык1э кугъуэ ущэбар,
джэдык1эм и хужь упщ1этар, шыбжий сыр хьэжа халъхьэ. Псори
зэ1ащ1э, и щхьэр трап1эжри щ1ы1ап1э деж ягъэув дакъикъэ 15 – 20
к1э, нэхъ зэхэшыпсыхьын щхьэк1э. Апхуэдэу ягъэдия балыджэ
упщ1этар тепщэч ц1ык1ум иралъхьэ п1инэу, бжьын ц1ынэ
зэпыгъэлъэлъа трагъэщэщэж. Щ1акхъуэ, чыржын, лэкъум, к1эрт1оф
гъэва, к1эрт1оф п1астэ дашх. |