...................
...................
Адыгэ Ч1ыгужъым Иджэпсалъ
CircassianCanada
CC- World Adyge News
, 07.08.2008
                         
 
...................
...................
CC-WAN /Maykop

О уилэгъоу,
Джыри жьы къыщэу,
Джыри псэпытэ-лъэпытэу 
О уилэгъоу,
Джыри жьы къыщэу,
Джыри псэпытэ-лъэпытэу
Къэнэгъэ лъэпкъыр бэдэдэп.
Бэгъэш1э лъэпкъхэм анэгу к1эк1ырэри мэк1эп...
Мары Ори гъогу онэ гъэш1эгъон,
Гъогу онэ хьылъэ къэпк1угъ.
Мыекъуапэ культурэр ц1ыф лъэпкъым тыны фэпш1ыгъ.
Зэхэплъхьэгъэ уихабзэ инэшэнэ зырызхэр непэ дунэе хабзэ хъугъэ. Уишъуашэ Кавказ лъэпкъхэм шъуашэу къаштагъ,
Кавказ щымыщхэми зырагъэдэхагъ.
Чып1э зэжъу урагъэуцои къыхэк1ыгъ.
Уиц1ыф зыхэмык1одагъэ,
Гъаблэ къыозымыгъэк1угъэ..
Лъэхъэнэ зэблэк1ыгъэ къыщыхъугъэп мы дунаижъым…

О си лъэпкъ гупсэу, хымэ псэтенэжъ! ..

Мары джыри лъэхъэнэ зэблэкIыгъу,
Лъэхъэнэ гъэш1эгъон.
Ау къыбгуры1он фае,
Къызэунэк1ыгъэхэм зэрафэмыдэр мы лъэхъаныр…
Мы лъэхъаныр уинасып къэгъэзэгъу…

Непэ,
Урысые Федерацием хэхьэрэ республикэхэр,
Адыгэ хэк1 1эшъхьэтетхэр тиIэх…
Хэгъогогъу къытфэхъугъэ тимылъэпкъэгъухэр
Шыгъо мафэм къыддэшыгъох
тигуш1уагъохэр къыддаугощы .
Зэлъэпкъэгъухэм гу зэщафэжьы .
Урысые Федерацием, хэхэс Уибынхэр машIом къыхищыжьыгъ.
Хэхэсым ыбзэ къэухъумагъэ зэрэхъущтым дэлажьэ.
Ыгурэ, ыпсэрэ хэкужъымк1э къэгъэзагъэ хэхэс адыгэм,
Урысые Федерацием идахэ е1о…
Ар къызгуры1орэ Федеральнэ Iэшъхьэтетхэм япчъагъэ нахьыбэ мэхъу… Урысые Федерациемрэ
Адыгэхэр зыщыпсэурэ хэгъэгухэмрэ
Нахь пытэу зызэрапхы…
Хэхэсым,
Сыкъигъотыжьыным, ифитыныгъэхэр иIэ хъугъэ,
Иамалхэр зэрегъотылIэжьы.

О тилъап1э, лъэпкъ унэшъош1хэр!,

Лъэпкъ насып къэгъэзэгъум,
Лъэпкъым фапш1эрэм къык1ак1орэр нахь нэрылъэгъу.
Лъэпкъым урипэщэныр насыпыгъу…
Ау къыжъугурэ1о
нахь хьылъ шъузыпэ1ут лъэпкъ 1офыгъори.
Лъэханым,
Хэхэс къошхэм якъэщэжьын пшъэрылъ къышъуфиш1ыгъ…

О, хэку пэс адыгэу си 1быжъый!
Зыцэк1э зыщымыгъэгъупщ…
1эк1ыбы щы1эхэм ятэжъхэр,
Егъэзыгъэрэ гъэпц1агъэк1э хэкум пэ1эпчъэ зэраш1ыгъэр.
Зыхэс лъэпкъхэм яфэмэбжьымэ т1эк1у къатеуэ хъугъэми
Ахэри зэрэуикъошхэр.
Ахэр хэкум зэрэфэныкъом мынахьмак1эу
Сэри ахэм сызэрафэныкъор.
Къин мыгъуаер шъулъэгъузэ сыкъэшъуухъумагъ,
Щытхъури къэжъулэжьыгъ.
Ау къызгурыжъугъа1у
Сышъуфэрэзэщтэп, тхыдэм шъуфиш1ыгъэ пшърылъыр шъумыгъэцак1эмэ, Шъуикъошхэр сыбгъэ къешъумыщэл1эжьымэ…

О, синит1умэ яз хэхэс адыг!,

Чэщи мафи шъухэтк1ухьэ.
Къызгурыжъгъа1у
Къэшъумыгъэзэжьымэ шъузэрэк1одыпэщтыр,
Къэжъугъэзэжьмэ нахь сыызэрэк1уак1эр.
Шъугу къэжъугъэк1ыжь
Ныр къызыоджэжьк1э узречъэл1эжьын фаер…
Ар, зэрэ адыгэ л1ыгъэр…

Къызэхэшъух смакъэ,
Сэры, ч1ыгужъыр ары къшъоджэжьырэр,
Адыгапсэр ары къышъупаплъэрэр…

О пъэпкъыпсэ хэкупсэ си бынхэр!
Шъукъысфэк1ожь...
Хэхэсыр къэшъущэжь.
Шъубэгъожъ…
Шъузэрэитэкъухьагъэм итхьамык1агъо,
Лъэпкъ к1уак1эу къэшъуштэжь…