|
Мэщфэш1у Нэдждэт къызэ1уехы
Симфоническэ Оркестрэм шъыгъо симфониехэр къырегъа1о:
Нэхэе Аслан
Анзэрыкъо Чеслав
Адыгэ Республикэмрэ Пщызэ шъолъыр Быслымэнмэ Ямуфтиеу Емыж
Нурбый Хъок1о Сузанэ, (исламыем исолист) къэмылъагъоу къеджэ
ЗАОР МАШ1О ЛЫГЪ.
ЗАОР ЛЪЫГЪАЧЪ.
ЗАОР ШЪУЗАБ.
ЗАОР К1ЭЛЭ ИБЭ ПЧЪАГЪ.
ЗАОР ЫПСЭ ЗЫТЫГЪАХЭ НЫМ,
ЫБГЪЭ КЪЫТРАТХЪЫЖЬЫГЪЭ САБЫЙ БЫДЗАШЪУ,
ЗАОР ТЫРАГЪЭСТЫК1ЫГЪЭ УИМЭЗ.
ЗЭШЪХЬЭШЪО АШ1ЫГЪЭ УИКЪУАДЖ.
ЗАОР ЛЪЭПСЭИЧ.
ЗАОР ХЬАДРЫХЭ ГЪОГУ.
ЗАОР УНЭГЪО ЗЭТЕЧ.
ЗАОР ГЪАБЛЭ, ГЪАЕ.
ЗАОР ХЫМЭЧ1Ы ЧЪЫ1…
ЗАОР ЛЪЭПКЪ ЗЭПЭ1ЭПЪ.
ЗАОР ЛЪЭПКЪ ИТЭКЪУХЬАГЪ.
ЗАОР ХЭХЭС ГЪАШ1ЭМ ЗЭГУИУТЫГЪЭ ЛЪЭПКЪЭГЪУ…
ЗАОР ЯХЭГЪЭГУК1ЭХЭР КЪАУХЪУМЭЗЭ, ЗЭРЭУК1ЫГЪЭ ЗЭКЪОШ.
ЗАОР КЪЭХАЛЪЭ ХЪУЖЬЫГЪЭ,
ХЭХЭС АДЫГЭ КЪОДЖЭ ПЧЪАГЪ,
ЗАОР УИХЭКУ УЗЭРЭЩЫМАК1ЭМ,
ГУР ПЫЗЫ1ОНТ1ЫК1ЫРЭ ИХЬЫЛЪ,
ЗАОР ХЭКУ Ш1УЛЪЭГЪУМ,
ЛЪЭПКЪ Ш1УЛЪЭГУМ,
ИГЪОНЭМЫСЫ ЕХЪУЛ1ЭГЪЭ ХЭКУ-ПЭС АДЫГ.
ЗАОР ТХЬЭМЫК1АГЪУ,
ЗАОР ЕМЫН,
ЗАОР ТЭЛЛАУ…
Театрэм тятэжъмэ яорэд щыщ пычыгъо къеш1ы. Мамыр щы1ак1эр заом
къекъутэ лъэпкъым къухьахэм арытэкъуагъэу ихэку гупсэ
рагъэбгынэ Хъок1о Сузанэ, къэмылъагъоу къеджэ:
АУМИ, УГУ КЪЭБГЪЭК1ЫЖЬЫН ФАЕ ЗАОР,
ИМЭШ1О ЛЫГЪЭ ДЖЫРИ ЗЫКЪЕМЫГЪЭСТЫНЫМ ФЭШ1,
УГУ КЪЭБГЪЭК1ЫЖЬЫН ФАЕ ЗАОР,
ШЪУЗЭБЭ П1УГЪЭМЭ КЪАХЭМЫХЪОНЫМ ФЭШ1.
ГУМ КЪЭБГЪЭК1ЫЖЬЫН ФАЕ ЗАОР,
НЫМ ИБЫДЗЫЩЭ ЗЫ1УМЫФАГЪЭР ДЖАДЭМИ,
ЗЭРЭ К1ОДЖАДЖЭР УИНЭРЫЛЪЭГЪУШЪ.
ГУМ КЪЭБГЪЭК1ЫЖЬЫН ФАЕ ЗАОР,
ЖЭМ ДИЗЭУ «ТИМЭЗ, СИКЪУАДЖ»,
УМЫ1ОШЪУНЫМ ИТХЬАМЫК1АГЪО ЗЭХЭОШ1ЭШЪ.
ЗЫЩЫБГЪЭГУПЩИ, АЩЫБГЪЭГЪУПЩИ ХЪУЩТЭП ЗАОР,
ГЪЭШ1ЭРЭ ГУХЬЭГУЖЪЫМ,
ЛЪЭПКЪХЭР ЗЭРЭ ЕМЫТХЪЫЛ1ЭРЭР КЪЫБГУРЕГЪА1ОШЪ.
АГУ КЪЭБГЪЭК1ЫЖЬЫН ФАЕ ЗАОР,
УЗГЪЭМЭК1АГЪЭМ ИМЫСАГЪЭ ЗЫДИШ1ЭЖЬЫНЫМ ФЭШ1,
АГУ КЪЭБКЪЭК1ЫЖЬЫН ФАЕ ЗАОР,
ЛЪЭПСЭИЧЫ УЗЫШ1ЫГЪЭМ,
ЛЪАПСЭМ УКЪЫРИЩЭЛ1ЭЖЬЫН ЗЭРЭ ФАЕР ГУРЕГЪА1ОШЪ.
ЗЫЩЫБГЪЭХЪУПЩЭ ХЪУЩТЭП ЗАОР,
ТХЬАМЫК1АГЪО КЪЭМЫХЪУЖЬЫНЫМ ФЭШ1
ЕМЫНЭМ, ТЭЛЛАОМ ЗАЩЫПХЪУМЭНЫМ ФЭШ1.
Уджыхъу Мариет. Бгъэжънокъо Барысбый и«ощык1ыхэм» сценэм тетэу
къеджэ Урыс к1элэц1ык1ум Истанбылак1ор къе1о
Хъок1о Сузанэ, къэмылъагъоу къеджэ:
ТХЬАМЫК1АГЪОМ КЪЕЛЫЖЬЫГЪЭР ПСЭУН ФАЕ,
ЩЫ1АК1ЭМ ЛЪЫХЪУН ФАЕ.
АР Ч1ЫОПСЫ ХАБЗ.
АРЫШЪ ЗЭЗЭУАГЪЭХЭМ ЯБЫНХЭР ЗЭШ1УЖЬЫ.
ЧЪЫГИ ЗЭДАГЪЭТ1ЫСТЭ.
УНЭ НЫКЪОСТЫР ЗЭДЕ1АХЭЗЭ ДАШ1ЭЕЖЬЫ,
УНЭШХОМ ЫЛЪАПСЭ ЗЭДАГЪЭПЫТЭ.
ДУНАИР ЕЗГЪЭУЦОЛ1АГЪ ПЫЙ МЭХЪАДЖЭМ,
ХЭГЪЭГУРИ ДУНАИРИ ЩАУХЪУМЭ.
ТИЛ1ЫХЪУЖЪХЭР ТИШЫСЭ.
Л1ЭШ1ЭГЪУХЭР КЪЫЗЭПЫЗЫЧЫГЪЭ ТИОРЭДЫЖЪМЭ
ТИЛЪЭПКЪ АП1У, АЛЭЖЬЫ.
Исламыем иапэрэ блок (л1ыхъужъ орэдхэр.)
Хъок1о Сузанэ къэмылъагъоу къеджэ:
БЫН
ИТЭКЪУХЬАГЪЭР ХЭКУЖЪЫМ КЪЕТЭЩЭЛ1ЭЖЬЫ
ТИ КЪОШХЭМ ТЫКЪАГЪЭБАИ,
УСАК1ЭХЭРИ КЪЫТФАЩЭ
ОРЭДЫЖЪХЭРИ КЪЫТФАЩЭЖЬЫ.
ПЧ1ЫХЬАП1ЭР НЭРЫЛЪЭГЪУ ТФАШ1Ы…
Енэмыкъо Мэулыд ежь иусэмэ къяджэ
Исмахьилэ гъыбзэ Къарс заом щыфэхэыгъэхэм ягъыбзэ къе1о
Хъок1о Сузанэ, къэмылъагъоу къеджэ:
ХЭКУЖЪЫМ ЫМАКЪЭ ХЭХЭС АДЫГЭР ЕГЪЭГУШХО,
ХЭКУЖЪЫР ИНЭПЛЪЭГЪУ РЕГЪЭТЫ..
ТИОРЭДМЭ Ц1ЫФ ЛЪЭПКЪЫМ АЛЪЕГЪЭ1ЭСЫ,
ЛЪЭПКЪЫМ КЪЕХЪУЛ1ЭГЪЭ ТХЬАМЫК1АГЪОРИ
ЛЪЭПКЪЫМ ИЛ1ЫГЪЭ ЗЫНЭСЫРИ,
ТИКУЛТУРЭ ЗЭРЭЛЪАГЭРИ…
ТИ ОРЭДХЭР КЪЫФАДЖЭХ
ЛЪЭПКЪ ЗЭРЭЛЪЫТЭМ,
ЛЪЭПКЪ ЗЭРЭГЪАШ1ОМ,
АХЭР АРЫ ЛЪАБЖЭ АФЭХЪУЩТЫР,
ДЭХАГЪЭМ,
Ш1УГЪЭМ,
ЗЭДЫТИУНЭ, ХЭГЪЭГУ ЛЪЭ ПЫТЭМ…
Исламыем Хьагъэуджым и Рапсодие къе1о.
Хъок1о Сузанэ къек1ол1агъэхэми зэхэзыщагъэхэми тхьэшъуегъэпсэу
къаре1о |
