|
CC Notu: 01 08 2008 Dönüş
Bayramı törenlerinde kendisi tarafından günün anlam ve önemini
anlatan bildiri olarak okunmuş ve Adige Mak ve Adige Psalhe
gazetesinde yayınlanmıştır. Daha sonra DÇB Başkanlar Kurulu
metni DÇB bildirisi olarak benimsemiştir.
О, сэ
къэслъфыгъэ си Лъэпкъ гупс!…
О уилэгъоу,
Джыри жьы къыщэу,
Джыри псэпытэ, лъэпытэу
Къэнэгъэ лъэпкъыр бэдэдэп.
БэгъэшIэ лъэпкъхэм анэгу кIэкIырэри мэкIэн...
Мары Ори гъогу онэ гъэшIэгъон,
Гъогу онэ хьылъэ къэпкIугъ.
Мыекъуапэ культурэр цIыф лъэпкъым
Тыны фэпшIыгъ.
Уихабзэ инэшэнэ зырызхэр
Непэ дунэе хабзэ хъугъэ.
Уишъуашэ Кавказ лъэпкъхэм
Шъуашэу къаштагъ,
Кавказ щымыщхэми
Зырагъэдэхагъ.
ЧыпIэ зэжъу урагъэуцоуи къыхэкIыгъ.
УицIыф зыхэмыкIодэгъэ,
Гъаблэ къыозымыгъэкIугъэ..
Лъэхъэнэ зэблэкIыгъо
Къыщыхъугъэп мы дунаижъым…
О си лъэпкъ гупсэу, хымэ псэтенэжъ! ..
Мары джыри лъэхъэнэ зэблэкIыгъу,
Лъэхъэнэ гъэшIэгъон.
Ау къыбгурыIон фае,
КъызэунэкIыгъэхэм зэрафэмыдэр
Мы лъэхъаныр
Уинасып икъэгъэзэгъу…
Непэ,
Урысые Федерацием хэхьэрэ республикэхэр,
Адыгэ хэкI Iэшъхьэтетхэр тиIэх…
Хэгъогогъу къытфэхъугъэ тимылъэпкъэгъухэр
Шыгъо мафэм къыддэшыгъох
Тимэфэк1э мафэхэм къыддэгуш1ох .
Зэлъэпкъэгъухэм гу зэщытэфэжьы .
Урысые Федерацием, хэхэс Уибынхэр
МашIом къыхищыжьыгъ.
Хэхэсым ыбзэ къэухъумагъэ зэрэхъущтым
Иш1эн1уатэ зэхещэ.
Ыгурэ, ыпсэрэ хэкужъымкIэ къэгъэзэгъэ
Хэхэс адыгэм,
Урысые Федерацием идахэ еIо…
Ар къызгурыIорэ Федеральнэ Iэшъхьэтетхэм
Япчъагъэ нахьыбэ мэхъу…
Урысые Федерациемрэ
Адыгэхэр зыщыпсэурэ хэгъэгухэмрэ
Нахь пытэу зызэрапхы…
Хэхэсым
Сыкъигъотыжьыным, ифитыныгъэхэр
ИIэ хъугъэ,
Иамалхэр зэрегъотылIэжьы.
О тилъапIэ, лъэпкъ унэшъошIхэр!,
Лъэпкъ насып къэгъэзэгъум,
Лъэпкъым фапшIэрэм къыкIакIорэр
Нахь нэрылъэгъу.
Лъэпкъым урипэщэныр насыпыгъу…
Ау къыжъугурэIо
нахь хьылъ шъузыпэIут лъэпкъ Iофыгъори.
Лъэханым,
Хэхэс къошхэм якъэщэжьын
Пшъэрылъ къышъуфишIыгъ…
О, хэку пэс адыгэу си Iубыжъый!
ЗыцэкIэ зыщымыгъэгъупщ…
IэкIыбы щыIэхэм ятэжъхэр,
Егъэзыгъэрэ гъэпцIагъэкIэ хэкум
ПэIэпчъэ зэрашIыгъэр.
Зыхэс лъэпкъхэм яфэмэбжьымэ
ТIэкIу къатеуэ хъугъэми
Ахэри зэрэуикъошхэр.
Ахэр ячIыгужъ зэрэфэныкъом мынахьмакIэу
Сэри ахэм сызэрафэныкъор.
Къин мыгъуаер шъулъэгъузэ сыкъэшъуухъумагъ,
Щытхъури къэжъулэжьыгъ.
Ау къызгурыжъугъаIу
Сышъуфэрэзэщтэп,
Тхыдэм шъуфишIыгъэ пшърылъыр шъумыгъэцакIэмэ,
Шъуикъошхэр сыбгъэ къешъумыщэлIэжьымэ…
О, синитIумэ яз хэхэс адыг!,
Чэщи мафи шъухэткIухьэ.
КъызгурыжъгъаIу
Къэшъумыгъэзэжьымэ шъузэрэкIодыпэщтыр,
Къэжъугъэзэжьмэ нахь сыызэрэкIуакIэр.
Шъугу къэжъугъэкIыжь
Ныр къызыоджэжькIэ
УзречъэлIэжьын фаер…
Ар,
Зэрэ адыгэ лIыгъэр…
Къызэхэшъух смакъэ,
Сэры,
ЧIыгужъыр ары къшъоджэжьырэр,
Адыгапсэр ары къышъупаплъэрэр…
О пъэпкъыпсэ хэкупсэ си бынхэр!
ШъукъысфэкIожь...
Хэхэсыр къэшъущэжь.
Шъубэгъожь…
Шъузэрэитэкъухьагъэм итхьамыкIагъо,
Лъэпкъ кIуачIэу къэшъуштэжь… |
