Уэ сыт щыгъуэи узигъусэщ.
Си п|щ|эхьым ухэмык|ыуэ
Си нэгум ущ|эмык|ыуэ
Дакъикъа узбгъадэмык|ыуэ
Уэ сыт щыгъуэи узигъусэщ.
Сэжьэу гъуэгу к|эхь сытэхьами
Сымыщ|э |уэху сыхэхьами
Хэмэ къэрал къаск|уэхьами
Уэ сыт щыгъуэи узигъусэщ.
Гугъу |уэху куэд къыспыщ|эльыми
Гу къэуэ куэд къызбгъадэльыми
Сымаджэу п|э сыхэльыми
Уэ сыт щыгъуэи |узигъусэщ.
Сырик|уэу уэрамым сытетщ
Сыхэхуау бэлэхым сыхэтщ
Узмылъагъуми укъызбгъадэтщ
Уэ сыт щыгъуэи узигъусэщ.
Хыабзэр зи|ис
Хыабзэр лъэп|къым йи уэрэдщи
Ар жып|эхук|эщ узэрлъэп|къыр
Хыабзэр щып|ф|эк|уда махуэм
Япхауэ бжы уи ап|кълъэп|къыр.
Хыабзэр щыгъынс укъихуапэу
Ар пщыгъымэс ущыц|ыхур
А щыгъыныр зыщыпхамэ
Ф|ым хуэк|уэнукъым уи уэхур.
Хыабзэр хьащ|эщ къэблэгъауэ
Бгъалъап|эу щхьащыт
Пщ|эр хабзэм къэмзэгъауэ
А уэхум яужь уимыт.
Хыабзэр |ащэс узауэмэ
Ар п||ыгъу укъимык|уэт
Утэк|унущ узахуэмэ
Шэч къомыхь уигу умгъак|уэд.
Хыабзэр жийси бгъабагъуэм
йи жъауэм ущ|эсынущ
ар п|ф|эмыуэху п|ф|эмщ|агъуэм
маф|эм йи бзийм уисынущ.
Хыабзэр льыжьс илъэс куэд псэуау
Абы уэ куэд уигъащ|энущ
Къыпхуэгъункъым уэлъэпэуау
Ар зэ гуауэу зэбгъащ|энущ.
Хыабзэр напэщ напэр п|щ|эмэ
Ар уи|ихук|э уадийэщ
Напэр зи|ис умыщ|эмэ
Мес уигъуэгур хьадрыхэ нэс.
Хыабзэр льыгъащ Хыабзэр ф|ыгъащ
Хыабзэр зэхэлъу аф|ыгъащ
Нобэк|э ди уэхур гугъуми
Ди хыабзэр ди гурыф|ыгъащ.
БДЗЭЖЪЭЙМ ЙИХЪЫБАР.
Зымэхуэ гуэр бдзэжъэйащэм
Псым зы бдзэжъэй къыхэдзат же
Ар зыщыпсэу псым къыхидзэри
Удзып|ц|эм къытыридзат жэ
Бдзэжъер бамп|эу зиуык|ыжу
Къыздыхажза псымк|э йэ|ат
Ип|къыр зэщ|игъаудэрабжъэу
Къыздытэхуа удзыр щ|ы|ат
Хуитыныгъэ Хуитыныгъэ Уэ псоми урийапэщ
Хуитыныгъэ Хуитыныгъэ бдзэжъэйм щхьак|эи улъап|эщ.
Жи|ир сытыми къыгурымы|уэу
Льыжъым зыгуэр къыжыри|ит
Нэпсыр йинэм щ|игъалъэлъу
Бдзэжъэйм гукъэуэшхуэ йи|ит.
Псым йэплъымэ гъащ|эр илъагъурт
Удзым йэплъымэ льэныгъэр
Льэрэ пэтыми йигу къэуэт
Тхьамыщк|агъар зэкъуэныгъэр.
Хуитыныгъэ Хуитыныгъэ Уэ псоми урийапэщ
Хуитыныгъэ Хуитыныгъэ бдзэжъэйм щхьак|эи улъап|эщ.
Дыгъари бжъэпэм къыдэк|ау
Йип|къыц|ык|ур маф|эм йисырт
Йэзыр зылъэмы|ас псышхуэм
Йиджи бдзэжъэй куэди щесырт.
Тхьамыщк|эм ар йигу къак|ыхук|э
Псым нэсыну нэхъри йэ|арт
Ижъэ у|ам лъы къыжъдэжым
Удзыр плъыжъыбзэу йири|арт.
Хуитыныгъэ Хуитыныгъэ Уэ псоми урийапэщ
Хуитыныгъэ Хуитыныгъэ бдзэжъэйм щхьак|эи улъап|эщ.
Бдзэжъэйащэм зэф|имыгъащ|у
Нэгъуэщ| къиубыдыну йэщэрт
Псэ зэрыхихыр ищ|э пэтыми
Бдзэжъэй къиубыдурэ ищэрт.
Зиуык|ыжыху псыр гъунэгъу къахъути
Гъунэгъу хъухук|э нэхъри йэ|арт
Псым йэ |уфэм къасыпати
Абы хэхуэу лъэжамэ арт.
Хуитыныгъэ Хуитыныгъэ Уэ псоми урийапэщ
Хуитыныгъэ Хуитыныгъэ бдзэжъэйм щхьак|эи улъап|эщ.
Бдзэжъэйм псэ хэту зидзыри
Псэ хэмыту зыхидзэжащ
Йи п|къы ц|ык|ур тхьампэм хуэдэу
Псым щ|ы|ум къытырэдзэжащ.
Хуитыныгъэ Хуитыныгъэ Уэ псоми урийапэщ
Хуитыныгъэ Хуитыныгъэ бдзэжъэйм щхьак|эи улъап|эщ.
Сэ мыбы сакъыхомгъанэ.
Уэращ зэи сигу йимык| |уэхур
Уэращ мы сигум йи щэхур
Зы жэщ ф|ыц|э сыхэхуащи
Уэращ си гъуэгум йи нэхур.
Си анэм янэ си адэм яанэ
Си анэ си адэм яанэм яанэ
Къаубыд си |ар сызэшэльэж
Сэ мыбы сакъыхомгъанэ.
Сыхуэйкъым сэ хамэм йибзэ
Сыхуэйкъым хамэм йихабзэ
Сызхуэныкъуэр уэзызакъуэр арщ
Сн хэку дахэ си лэпькъ къабзэ.
Уи щ|ыгу сису сыбэуатэм
Сэсэищ жыс|эу сыгуэуатэм
Нэгъуэщ| сытым сыхуэижинт
Уи |ап|льэ сыщыпсэуатэм.
Содэ уэ уи щ|ы|ам сырес
Содэ уи ж|ыбгъа сыхырес
Сшэкынщ къызэмхьалъэк|ыуэ
Содэ уи гуауэ къыслъырес.
Сльэк|ыу зыщызгъагъупща
Уибзэ пьщ|эркъым жыбо|ари
Куэдрэ сыкъыбогъайэмык|у
Сльэк|ыу зыщызгъагъупща
Сыхуэй сщ|эну сэ къызэмык|у
Хамэ лъэпькъым сахэсыуэ
Даурэ зэрысхъумэнур хыабзэр
Сызэрпсалъэр ягу тэмыхуэу
Тхьампэм хуэдэу пачащ сибзэр
Нэхур самгъалъагъун щхэк|э
Си махуэр жэщ ф|ыц|э ящ|ащ
Сэ сэсэйр сф|агъак|уэдымэ
Езым ящхь сыхъун яф|эщ|ащ.
Я хэку я жьэгу сагъахъумэу
Я бийм сэ сырагъазэуащ
Сэ сыадыещ щыжыс|эм
Езыхар сэ къызэзэуащ
Сыкъаушу зыкъасщ|эныр
П|щ|эхьап|э шынагъуэу ялъагъу
Сызы|исыр зэзгъащ|эныр
Ар сэ куэдыщэу къысхуалъагъу.
Мис мыпхуэдэщ сипсоук|эр
Уэ сыкъагъаемык|уи щыс
Дэнэ нэсынуми ик|эр
Дызытет гъуэгум зэ егупщыс.
Къызо|унщ|хэ сыраудыну
Сэ сымджэлэн сльэк|ыркъым
Мы къысщыщ|ар нэхъ сигу къоуэ
Льэныр къызэхьалъэк|ыркъым.
Укъысщ|энэк|эху къат|ыси
Сыт ди|ами зэтхьальэжынщ
Адыйагъа тхуэмгъапсэур
Къыздитхыам зэдэтхьальэжынщ.
Тхьарыкъуэ ц|ык|у
Тхьарыкъуэ ц|ык|у,тхьарыкъуэ ц|ык|у
Сытым хуэдэ ухуитыныр
Залымыгъэ къыплъэмы|асу
Улъатэу уэфэгу уитыныр.
Тхьарыкъуэ ц|ык|у,тхьарыкъуэ ц|ык|у
Гъащ|эр сохь уэ сынохъуапсэу
Сыту унасыпыф|эдыдэ
Уэри уопсоу сэри сопсоу.
Тхьарыкъуэ ц|ык|у,тхьарыкъуэ ц|ык|у
Къак|уэ зэдгъахъуэж гъащ|эхэр
Сэ зэзгъащ|энщ хуитыныгъэр
Уэри лъагъу сэ къызащ|эхэр
Тхьарыкъуэ ц|ык|у,тхьарыкъуэ ц|ык|у
Сыхъуащ ф|эк|а щхьалажьэ
гъащ|э дахэр къызэптыну
уэ ц|ык|уми сыт уилажъэ
Жыс|эр арщи тхьарыкъуэ ц|ык|у
Стырахащ сэ си дыгъэр
Кьыф| къыпщыхъунщ уи гъащ|э псоур
Пь|ащ|эк|ымэ хуитыныгъэр.
хэт зийагъар ?
Къуэх|ау къыкъуэк|ыжыху дыгъэр
Сигъунэгъу къохъу зэкъуэныгъуэр
Махуэ къэс зыгуэр зырэхъуэк|
Хамэм Йощхь си псоуныгъэр.
Сщогъупщэ адиягъар
Сщ|эркъым ар зэрыгу|агъар
Сэсэим сэ си щ|ыб хуэзгъазэу
Сык|уэдыжымэ хэт зийагъар ?