1 Пасэм Тхьэр пегъымбархэм аIупэхэмкIэ бэрэ ыкІи зэтефыгъэу тятэжъхэм къадэгущыІэщтыгъ.

2 Ау мы уахътэм, мы дунаим иаужрэ мэфэ дэдэхэм, ы Къо ыIупэкІэ тэ къыддэгущыІагъ. Тхьэм Іоф пстэури ы Къо иІахьышІу хъунэу ыгъэнэфагъ, ащи дунаир къыригъэгъэхъугъ.

3 Тхьэм ищытхъушхо инэфынэ ы Къо дэжь къикІэу къепсы; ы Къо ищытыкІэпсэукIэ Тхьэм ищытыкІэ-псэукIэ фэдэ къабз, игущыІэу лъэкІышхо зиІэмкІи щыІэ пстэури щегъаІэ. ЬІ Къо цІыфмэ агухэм псэкІодхэр зэрариукъэбзыкІыжьыщт гъогу къафишІыгъ, уашъоми дэкІоежьи, тетыгъошхор зэкІэ зиІэ Тхьэм иджабгъукІэ готІысхьагъ.

4 Тхьэм «с Къо» ыІозэ, къызэреджэрэ цІэшхор мэлэІичхэм ацІэ зэрэнахь лъапІэм фэдэу, Тхьэм ежь ы Къо мэлэІичхэм апшъэ ышІыгъ.

Къо лъапІэр мэлэІичхэм апшъэ щыІ

5 Сыда пІомэ, Тхьэм мэлэІичхэм ащыщэу зыгорэм, «Оры с Къор, непэ Ты сыпфэхъугъ» риІуагъа?* Тхьэм мэлэІич горэми ехьылІагъэу, «Сэ Ты ащ сыфэхъущт, ежьыри с Къо хъущт» къыІуагъа?*

6 ЕтІани Тхьэм ежь къыхихыгъэ ы Къо кІасэ дунаим къызытырегъахьэм, къыІуагъ: «Тхьэм имэлэІич пстэуми ар арэгъэлъапІ».

7 МэлэІичхэм яхьылІагъэу Тхьэм моущтэу къыІуагъ*:
«Тхьэм имэлэІичхэр жьыбгъэм фэдэ егъэхъух,  а Іофтабгэхэр мэшІотхъуабзэхэм афэдэхэу егъэхъух».

8 Ау ы Къо ехьылІагъэу Тхьэм моущтэу къыІуагъ*:
«О Тхьэ, уитетыгъошхо тІысыпІэ егъашІэм утесыщт.  Уитетыгъошхо ибэщ – зэфагъэр ары. 

9 Шъыпкъагъэр шІу олъэгъу, бзэджагъэри оуджэгъу.  Ащ пае Тхьэу уи Тхьэ уигъусэхэм анахьи гушІуагъом идагъэ*  о нахь къыпщифагъ».

10Тхьэм моущтэуи къыІуагъ*:
«О Зиусхьан, ублапІэм дэжь чІылъэм лъапсэхэр фэпшIыгъ,  уашъохэри уиІэшІагъэх. 

11 Ахэр кІодыжьыщтых, ау о умыкІодэу укъэнэжьыщт.  Щыгъыным фэдэу ахэр жъы хъущтых. 

12Щыгъыным фэдэу зэкІоцІыпщыхьащтых,  зэхъокІыгъэуи хъущтых;  ау о узэрэщытым утетэу укъэнэжьыщт,  о уиилъэсхэми кІэух яІэщтэп».

13 Тхьэм мэлэІичхэм ащыщэу зыгорэми, «О уипыихэр лъэгукІэтын пфэсшІыхэфэ,  сиджабгъукІэ къызготІысхь» риІуагъа?*

14 Аущтэу мэлэІичхэр Тхьэм фэлэжьэрэ псэх, цІыфхэу мыкІодхэу Тхьэм къызэригъэнэжьыщтхэр зиІахьышІу къызлъыIэсыщтхэм афэІофтэбгэнхэуи Тхьэм ахэр къегъакІох.
...