|
●Абрамывэ вагъэгъэкlуэдщ.●
●Адакъэрэ пэт джэджьер егъашхэ.●
●Адыгэр уэшщ, урысыр пхъэпсщ.●
●Адыгэшрэ лlы бэшэчрэ.●
●Алыхьыр
ещlэ, ящllамэ ешх.
(Мылажьэу шхэм ауаныщlу хужаlэ.)●
●Апреым
(мэлыжьыхьым) и бгъум гуахъуэр пкlэм драдзеиж.●
●Апрелым
(мэлыжьыхьым) и блым мэкъу lэмбатибл хуэгъэтылъ. ●
●Аргъынэ кlыхьыр и жагъуэщ.
шынакъ кlы гъуанэр и щlасэщ.●
●Аргъуейр пхъэlэщэм щlэщlа вы бжьакъуэм тести «довэ» жиlащ.●
●Армум
хиса жыгыр мэгъу.●
●Армур
мэз кlуэмэ, арэфым жьитl гуэту къешэ.●
●Бавэ нэхърэ бэв.●
●Баlуэ нэхърэ бащlэ.
(Куэд жызыlэ нэхърэ куэд зылэжь,
жыхуиlэщ.)●
●Бэр зэщlэхъаемэ,
щlыр къагъэхъей.●
●Бжьэ зыдэсым фо дещlэ.●
●Бжьыхьэ бейщ.●
●Бзурэ пэт абгъуэ ещl.●
●Былымыр икlи хъугъуейщ,
икlи хъумэгъуейщ.
(Хъугъуейщ
- къэгъуэтыгъуейщ)●
●Вы зимыlэм шкlэ щlещlэ.●
●Выгъашхэрэ пэт пхъэ къешэ.●
●Выгъашхэри зобзеиж.
(Зы
lуэху гуэр зымыщlапхъэ щыlэкъым,
жыхуиlэщ.)●
●Выжь и
мэхуапщlэ выщlэ и уасэщ.●
●Выр жьы
хумэ, шкlэм хаутlыпщхьэж.●
●Гуащэтешэрэ пэт унэ епхъэнкl.●
●Гуэн
нэщl нэхърэ хадэ нэщl.●
●Гуэн
нэщl щыlэщи, хадэ нэщl щыlэкъым.●
●Гуэн
щхьэкlэ, нэщlщ, жьыщlа щхьэкlэ, фlейщ.●
●Гур
щыкъутэм щащlыж.●
●Гъатхэ
дыгъэм кlагъуэскlэ уегъэскlри,
бжьыхьэ
дыгъэм тхъупс къыптрекlэ.●
●Гъатхэ
уафэр гъуанэщ.●
●Гъатхэ
унэ гъуанэщ.●
●Гъэ
мэкъумэш пэтрэ яух.●
●Гъэм и
зы махуэм щlымахуэм
уегъашхэ.●
●Гъэмахуэм гупкlэ
жьауэри унэщ.●
●Гъэмахуэм къыумылэжьа щlымахуэм
бгъуэтыжыркъым.●
●Гъэмахуэм
lэжьэ
щlыи,
щlымахуэм
гу щlы.●
●Гъэфlым
умыгъуэта гъейм бгъуэтыжыркъым.●
●Гъей
нэхърэ пщей.●
●Гъуагъэми гъущэу.
(Мэкъумэш къехьэлlэжьыгъуэу
уэшх щыхуэмей зэманым жаlэ)●
●Дыгъэр къепс щхьэкlэ,
лъыпсыр къыпож.●
●Дыжэф
пцlанэ хъуркъым.●
●Дышэр и
lэм къыпощ.●
●Дзыгъуэ
пэтрэ щlымахуэм хуогъэтlылъэ.●
●Дзыгъуибгъу зэдеlэмэ, кхъуей кlадащхьэ трач.●
●Емызэш
мэшыбэ ещlэ.●
●Емыкъум
еплъи дэзышым еуэ.●
●Емыса
лэгъупэжь хъуркъым.●
●Жэм
къэшэхуи вы шэхун хэкlыж.
(Ар лъхуэнщи вы хъун къилъхунщ, жыхуиlэщ.)●
●Жэмым
ишх и гъэшщ.●
●Жыхафэр
щхьэцыпэкlэ епхъэнкl.
(Зи псэ емыблэжу
унагъуэм lуэху щызыщlэ нысэм хужаlэ.)●
●Жэщырыдэ махуэрыдыхьэшх.
(lуэхур щимычэзум зылэжьым ауаныщlу хужаlэ.)●
●Жылэр
зыгъашхэр шхын щхьэкlэ малlэ.
(Зи гугъу ищlыр пщафlэрщ.)●
●Зэдэпщlэ
щlэхщи,
зэдэшхэ lэфlщ.●
●Зэхэшэ
шэбэщ.●
●Зэхьэзэхуэ мэунэри зэижитl мэунэхъу.●
●Зэшыбэ
бэхьщ.(Зэкъуэш куэдым куэд къалэжь, жыхуиlэщ.)●
●Зи бэ
пщlэм уриlэзэщ.●
●Зы гъэм
шкlэщ, етуанэм жэмщ.●
●Зы
махуавэр зы махуэшхкъым.●
●Зы
тхьэрыкъуэф lэнэ зэдытешхыкlащ.
(Губгъуэм зэдитащ, щызэдэлэжьащ, жыхуиlэщ.)●
●Зыбзым
пабжьэм хедзэри зыдым къыхехыж.●
●Зыгъалlи къакlуэ
жаlакъым.
(Щичэзум
лажьэ, щичэзуми зыгъэпсэху, жыхуиlэщ.)●
●Зымышхыжын и мэкъумэш щlэкlэщ.●
●Зымыщlэм щlакlэ и lусщ.●
●Зыщl
нэхърэ еплъ нэгъ lэзэщ.●
●И
гуащlэ хьэпlацlэм яхуехъумэ.
(Гугъу зезымыгъэхьым ирегиеу хужаlэ.)●
●И хъер
мащlэм, и гумэщl бэщ.
(Хъер мащlэ фlэкl къызыпымыкlыу гуащlэ куэд
зытекlуадэ lуэхум хужаlэ.)●
●Илъэс
lуэху къэщтэжыгъуейщ.●
●Къэкlуэгъуафlэ
кlуэжыгъуафlэщ
(Гугъуехьыншэу къыпхэхъуар кlуэдыжыгъуафlэщ,
жыхуиlэщ.)●
●Къэкlуэгъуэ джадэ нэхърэ кlуэжыгъуэ джадэ.●
●Къэт
кlыхь, къэхь мащlэ.●
●Къебыбажьэ нэхърэ къежьэуашхэ.
(Къебыбажьэ-къелъэтажьэ. Уэшхыр псынщlэу
къежьэу зэуэ щхьэщыкl нэхърэ щlым пкърыхьэу хуэм-хуэмурэ къешхым
нэхъыфlщ жыхуиlэщ.)●
●Кlыщ
уэщыишэщ.●
●Лэжыгъэмкlэ
уашхэщ, щхэнкlэ
дыгъужьщ.●
●Лlы
и къуэгъурэ вы и гъуррэ.●
●Лlым
и нэхъ мыгъуэм
lуэхугъуибгъу
зэпеч.●
●Мастэ
бейщ.●
●Мастэкlэ
lэшэщ,
шатэкlэ
бзаджэщ.●
●Махуэ
еуэм зегъазэри кхъуей зыхузыр тхьэмыщкlэщ.
(Нэхъ
lуэху
тыншыр нэхъ гугъуехьу зылъытэм ауаныщlу
хужаlэ.)●
●Мэкъуауэгъуэ щlалэ
дэгущ.●
●Мэкъуауэгъуэжьым гум жьы дрегъэху.●
●Мыбзэф
и лэныстэ мэбзакъуэ.●
●Мыдэф
и
lуданэ
кlыхьщ.●
●Мыхьэжэф и щхьэлыкъуэкl
къопкl
. (Щхьэлыкъуэкl
- lэщхьэл
мывэр зэрагъэкlэрахъуэ
къущ.)●
●Мыщхьэх
дахащlэщ.●
●Набдзэ
ищl
фlэщlурэ
нэр ирищlащ.●
●Нанэ
хьэлlамащlэм,
дадэ кlэрыщlэнщ.●
●Насыпыр
пщэдджыжьым ягъуэщ. (Жьыуэ укъэтеджу уи
lуэху
яужь уихьэн хуейщ, жыхуиlэщ,)●
●Нэ
илъагъу нэ ещlэж.●
●Нэм фlэбэр
lэбэм
еух.●
●Нэр
делэщ,
lэр
бланэщ.●
●Нэрыlэзэ
lэпэзадэ.●
●Ныкъуэцlалэ-ныкъуэтхьэщ
. (Икlэм
намыхъэса lуэхум
хужаlэ.)●
●Нысэшхуэ и мастэу егъэбакъуэ.●
●Псэукlэмыщlэ
– уэкъулэ щlрейщ.●
●Псэуным
лъакъуибгъу щlэтщ.●
●Пхъэlэщ
вийм зэдащтэмэ, щlыгулъ
къагъазэ.●
●Пщэдеи
махуэщ, къэунэхури мазэщ. (Щхьэхынэм и зэман гъэкlуэкlэщ.
Ауаныщlу
къапсэлъ.)●
●Пыэзэфэхь махуэщ. (lуэху
щlэным
и гуащlэгъуэщ,
жыхуиlэщ.)●
●Пlастэгъажьэ
зиужьыжащ. (Зи lуэху
щlэкlэм
зиужьам хужаlэ.)●
●Сэтэнейр къэщхьэлъэмэ гъунэ иумылъыж.●
●«Си хьэ
цlыху
хъуащэрэт!» - щlыжаlэ
махуэщ. (Лэжьэгъуэм и гуащlэгъуэ
махуэм хужаlэ.)●
●Си хьэщlэ
нэхърэ си щlэн.
(Хьэщlэм
сехьэулеилlэ
нэхърэ, си lуэху
зыгъэзащlэмэ
нэхъыфlщ,
жыхуиlэщ.)●
●Тэнымрэ
дэнымрэ зэхуэдэщ. (Утэми ухэдэми – тум щыгъуэми ущыуэнкlэ
хъунущ, жыхуиlэщ.)●
●Уэгъуэм
ихьар уэлбанэм къехьыжри, уэлбанэм ихьар уэгъуэм къихьыжыркъым.●
●Уэлбанэ
махуэр щlэпытхъщ,
фызым я тхъэгъуэр къэбгъавэщ.●
●Уэсэпс
хуабэ мэшгъэкlщ.●
●Уэфlрэ
уэлбанэрэ я хьэкъ зэтенэркъым.●
●Удэмэ –
lуданэ,
убзэмэ – бзыхьэхуэ.●
●Удз
къыхэш, уэтэр шэж.●
●Уеплъу
ущыс нэхърэ уисми еlуб.●
●Уеуэмэ
– мэкъущ, уемыуэмэ, къурэщ.●
●Узэгугъур къогугъуж.●
●Улажьэмэ, лыжь пшхынщ, умылажьэмэ, лажьэ бгъуэтынщ.●
●Улажьэу
ушхэжын нэхъыфl
щыlэкъым.●
●Хамэlэр
lэгъэзагъэ
щхьэкlэ,
гугъэзагъэкъым.●
●Хамэlэ
lэгъэпсэху
щхьэкlэ,
гу гъэпсэхукъым.●
●«Хэт
бей?» щыжаlэм,
«мастэ бейщ» жаlащ.●
●Хыумылъхьэ къыхэпхыжыркъым.
(Щlым тепсэмэ,
къытохыж жыхуиlэщ.)●
●Хуэмыху и lуэху блэкlыркъым.●
●Хъуэжэ лыщlэ къищтэри лыщlакlуэ ежьэжащ.●
●Хьэмтетыгъуэ гъаблэ щыlэкъым.●
●Хьэрычэтым берычэт хэлъщ.●
●Шэмыгъапцlэ жэшщ.
(гъэмахуэ жэщ кlэщым хужаlэ.)●
●Шылэм и кlэм зеукlыж.●
●Щакlуэр зэузэбзмэ,
бэжэбз къехь.●
●Щхьэхынэр теджмэ,
псыбафэр куэд мэхъу.●
●Щынащхьэ плъагъумэ гъэмахуэщи,
lэтащхьэ плъагъумэ щlымахуэщ.●
●Щlым зы ептмэ,
щэ къыуетыж.●
●Щlыр вакъапхъэ-вакъапхъэу зэхэлъщ.●
●Щlыр кlийуэрэ къокlуэ,
гъэр гъыуэрэ мэкlуэж.●
●Щlыщэ мэш бэвщ.●
●«Яхуэмышхын сщlынщ»,
- жиlэри ямышхыфын ищlащ.●
●lэмбатищэ нэхърэ зы гъущагъэ.●
●lэтэр эмбатэ щхьэкlэ мэфыж.
(Зы мащlэ нумыгъэсу къанэмэ,
пщlа псори мэкlуэдыж,
жыхуиlэщ.)●
●lэхъуэгъуэтегъэкl.
(Зэмыгугъуу ящlэ lуэхум хужаlэ.)●
●lэщlагъэ зиlэ lэужь иlэщ.●
●lуэху зи lуэху lуэху lуощlэри,
шхын зи lуэху щхын lуощlэ.●
●lуэху мыублэ блэ хэсщ.●
●lуэху пщlыр lуэху мэхъу.●
●lуэху щlэкlэ зымыщlэр lуэху щlэным егъалlэ.●
●lуэхум игъэлlа щыlэркъым.●
●lуэхур жыlэгъуафlэ щхьэкlэ,
щlэгъуафlэкъым.● |
