...................
...................
ADİGE ATASÖZLERİ  -3
3. Bölüm / Еянэ Пычыгъуэ
lУЭХУГЪУЭ ЗЭМЫЛlЭУЖЬЫГЪУЭХЭМ ЯТЕПСЭЛЪЫХЬ, КЪИНЭМЫЩl ПСАЛЪЭЖЬХЭР

КЪЭРДЭНГЪУЩI Зырамыкущ
Hazırlayan, Tercüme eden: KHUMIKH Vehbi Kovulmaz

                         
...................
...................

Бланэ щалъху йокlуэлlэж.●

Дауэ делэгу щыlэщи, зауэ делэгу щыlэкъым.●

Ди унэжь пхъэжь мафlэ. (Уи дей хуэдэ щыlэкъым, жыхуиlэщ.)●

Дыгъужьыр бгъашхэ пэтми, мэзымкlэ маплъэ.●

Дыlуохьэри даукl, дыlуокlри дауб.(Зауэм щыlухьэкlэ, къэрабгъэщ жаlэу зрамыгъэубын щхьэкlэ, зыкърагъэукlыу зэрыщытам псэлъэжьыр къыхэкlащ.)●

Джатэ и щlагъ нанэ щыlэкъым.●

Дзэм иуфэкъа лъахэрэ мацlэр зыпхыкlа хадэрэ.●

Дзэм хамэ хэткъым.●

Дзыгъуэ пэтрэ и гъуэ щылlыхъужьщ.●

Ем щыгъуэ бжьэдыгъур зэшщ. (Бжьэдыгъу – адыгэм ящыщ зы лъэпкъщ.)●

Зауэ джэгурэ дауэ джэгурэ щыlэкъым.●

Зауэм и кlэр хьэдагъэщ.●

Зауэфlрэ дауэфlрэ щыlэкъым.●

Истамбылыжьым имыкlыр щlолlэ, икlар йолlыхь.

(Уэкъуоу и псалъэу жаlэ. Уэкъуоу – джэгуакlуэшхуэу, акъылыфlэу щытащ.И пщым истамбылакlуэхэм яхэту здришати тыркухэм я зэхэтыкlэр игу иримыхьу

яхуэусэри къэкlуэсэжащ. Лlэжыхукlи и хэкум щыпсэужащ.)●

Къигъэ нэхърэ игъыкl.●

Лlыгъэ щlапlэ лlы икlуадэркъым.(Кlуэдами, лlыгъэ лlэужь къегъанэ, и цlэ къонэ, жыхуиlэщ.)●

Мафlэм сахуэ ещlри дзэм шхахуэ ищlыркъым.●

Мысостхэ ямейр ягъэфl, я фlыр яшхыж. (Мысостхэ – къэбэрдеипщхэм ящыщ зы лъэпкъыу щытащ.)●

Нэlиб нэмэз, егъэзыгъэ тхьэрыlуэ. (Залымыгъэкlэ нэмэз ирагъэщlырти, псэлъэжьыр абы къытекlащ.)●

Парипых уихуэ.(Парипыхыр щlыпэцlэщ.Балкъ lуфэрэ Псыхъурей къуажэ щlыбымрэ я зэхуакурщ. Къэрэкъэщкъэтау зауэм щыгъуэ къэбэрдейм къытеуауэ щыта тургъутхэр Парипых деж къэбэрдейхэм хьэлэч зэрыщащlыгъам псэлъэжьыр къытекlащ.)●

Сотей зэхуэдипlалъэщ.●

Тамтаракъей ухъу.●

Тамтаракъей и махуэр къыпхукlуэ.(Адыгэхэм Тамтаракъей (Тмутаракань) Пщыгъуэр зэрызэхакъутэгъам псэлъэжьыр къытекlащ.(Еплъ Нэгумэ Ш.БАдыгэ народым и тхыдэ», н. 120.)●

Туб хьэсэ гуэшым уахэмытамэ, уабазэхэкъым.●

Уэфlым и ужьыр уэлбанэщ.●

Уи нэ къеlэм и псэ еlэж.●

Укъыщалъхуари зы махуэщ, ущылlэжьынури зы махуэщ.●

Урысрэ Бахъсэнрэ зымыбгынэр хэкум жылагъуэу къинэжьынщ.●

Хамэ хэку сыщытхъэ нэхърэ си хэкужь сыщылlэ.●

Хамэ ущие тхьэмахуэщ, хабзэ хьэху махуищщ.●

Хамэр гъэшэраши унэр гъэшэрыуэ.●

Хамэхьэр къохьэри унэхьэр иреху.●

Хэкужьыхьэ лъэщщ.●

Хьэндыркъуакъуэрэ пэт « сызыхэс псыр куууащэрэт » жеlэ.●

●Шэм зэхэгъэж ищlыркъым.●

...................
Giriş     1.Bölüm     2.Bölüm     3.Bölüm     4.Bölüm    
5.Bölüm     6.Bölüm     7.Bölüm     8.Bölüm     9.Bölüm
...................