DİASPORA YAŞAMI – ДАТХЭНЭМ ИГЪЭЗЭЖЫФЫН?

TEGULAN Yakup Temel (Туэгъулан Екъб)

”Илъэс 47_и итщ, энгинеерщ, Истамбул щопсоу, ухэныгъэ 1уэхухэр ещ1э. И щхьэгъусэр адвокатщ, ищхьэ хухэха хэщ1ап1э и1эуэ мэлажъэ. Зы пхъу я1эщи ари университетым щоджэ, гъэмахуэхэм тхьэмахуит1_щы згъэпсэхуак1уэ мак1уэхэ, ф1ыурэ мэпсоухэ”
”Къайсэр къалэм дэсщ, егъэджак1уэщ, и щхьэгъсэр унэгуащэщ лажъэкъым. Ц1ык1уищ я1эщ, нэхъыщ1ит1ыр пэщ1эдзэ еджап1эм щоджэ, нэхъыжыр университетым мак1уээ”

”Езыр къуажэм дэс щхьэк1э ц1ык1ухэр егъэджэн хуейщи, бынунагъуэр щ1ымахуэм къэлэм мэ1эпхъуэ, мэкъумэшыщ1эщ, къуажэм к1уэжкъэк1уэжыурэ тетщ ,  гъэмахуэм къуажэм къэгъэзэж”
”Дзэм и къулыкъущ1эщ, къэралым дэнэ игъак1уэми абы мак1уэ, хэубыдык1ауэ зы щ1ып1э щыпсоуыфыркъым, тыркум и лэныкъуэ псори щ1ып1э щ1ып1эурэ къек1уыхь, и щхьэгъусэри егъэджак1уэщ,  дэщ1ыгъуу къыдэк1ухь. ”

”Л1ыж_фызыжыр, язэкъуэпц1ийуэ къэнауэ къуажэм дэсщ, я бынхэр унагъуэ хъуауэ тыркум и щ1ып1э зэрызым щикъухьащ, гурыф1ыгъуэу я1эр,  я къуэрылъху_пхъурылъухэр къэзрылъыхъуэзэнращ”

”Зэшхьэгъусэхэм фызыр, тыркум и банк инхэм язым и унафэщ1щ, л1ыр къэрал къулыкъущ1эщ, лъэрмыхьыуэ ик1и сымаджэрилэ хъуа я анэжыр къэбгъэдэсщ, я бынхэр нэгъэщ1 къалэхэм щоджэ”
”Дохтыру сымаджэщ гъуэрэм 1уху шещ1э, и къуажэм мэ1эрысей хадэ щи1эщи абыи толэжыхь, и щхьэгъусэм дахагъэ центыр и1эщ, и ц1ык1ухэр йоджэ”

”Л1ыр т1ысыжащи 1уэху ищ1эжыркъым, Хэкум игъэзэжыну инэр къик1 щхьэк1э, и фызымрэ и бынхэр къыхуек1уал1экъым”
Ищхьэк1э зи гугъу тщ1а унагъуэхэм зыкъэмынэри адыгэ унагъуэщ, псори зэрыадыгэм иропагэхэ, я бынхэм адыгэбзэ ящ1эуэ, адыгэгъэ яхэлъу, лъэпкъыпсэу зэрыщытыным хущ1окъу.

Арщхьэк1э, Мы унагъуэхэм, унагъуэк1э за1эту Хэкум зэрагъэзэжынур 1уху тыншу шыт?

Датхэнэхэм ягъэзэжыфыну жыв1эрэ?

Адыгэхэр, егъащ1эуэ къэзгъэщ1а лъандэрэ зэрыса я Хэкужым залымыгъэк1э къызрырагъэк1рэ мис нобэ и лъэс 145 мэхъу. Тыркум ипэдыдэ къыщык1уагъэщ1эхэм, ягъэзэжын я гугъэти щ1агъуэ унэ_жъэгу ящ1атэкъым. Абы щыгъуэи ягъэзэжыфакъым, нобэи гъэзэжыгъуей хъуащ.

Мащ1эуэ щытми, къэзлъахъэ апхуэдиз лъэпэшхьэпом ф1эк1ыфыуэ нобэ Хэкум къэзгъэзэжыфа ди лъэпкъагъухэм ф1ыщ1эшхуэ яхощ1ын хуейщ. Хэкум гъэзэжын 1уэхур, хэубыдыук1а зы п1алъэк1э зэф1эк1ыфын 1уэхукъым, ныт1э,  диаспорам адыгэ исызук1э зэпымуын 1уэхху егупсысын хуейщ, ар зы гъуэгуанэ к1ыхьщ. Сэ сызрэгупсысымк1э, пэжым уыхуеймэ, п1алъэ к1эщ1ым къриубыдэуэ зыгъэзэжыфынухэр , адыгэ псом я бжыгъэм еплъытмэ икъук1э мащ1эщ. Апхуэдэуэ щыхъук1э, унафэ псори, гъэзэжын 1уэхум тещ1ыхьэ мыхъу, абы къыдэщ1ыгъуу, щыпсоу щ1ып1эхэм хэшымпсыхьыжу, Хэкум лъэщу къыкъуэт адыгэ диаспора зэрышы1энми тележыхьыпхъащ.

Зэрыжа1эм хуэдэуэ, мыхъумэ зэрыхъу. .